Kallinn var magnaður

Það hljóp þvílíkt á snærið hjá mér í kvöld.  Thomas vinur minn hringdi og sagðist eiga tvo miða á Kim Larsen - svo honum var snarlega boðið í mat og síðan drifum við okkur félagarnir.  Þvílíkt gæða rokk sem sá gamla töfraði fram - hann er í fanta formi.  Einungis 3 í hljómsveitinni fyrir utan hann sjálfan, algjör eðal grúppa.  Bassaleikari, trommari og einn sá magnaðasti gítarleikari sem maður hefur lengi heyrt í.  Pottþéttur og öflugur þrusu taktur.  Kallinn reitti af sér brandarana, sagði m.a. að það mættu allir horfa á argasta klám á internetinu, jafnt börn sem fullorðnir, það mættu allir keyra eins og þeir vildu á bílunum sínum og úða eins miklu af koltvísýringi út í andrúmsloftið eins og menn gætu, en það mætti hins vegar ekki kveikja sér í sígarettu í Reykjavík!  Það var mjög góð stemming á tónleikunum, og gaman að sjá hversu fólk lifði sig inn í mörg laganna, greinilegt að margir kunnu þau utan að.  Magnað að upplifa svona tónleika, þar sem höfuðpaurinn er að ég held kominn vel á sjötugsaldurinn.  Hreint út sagt alveg frábært kvöld.

Kim Larsen hélt uppi fjöri

Athugasemdir

[H. Magnússon (IP-tala skráð) 25.11.2007 kl. 01:32]

Kallandskotinn reykir og drekkur eins og svín - og verður betri og kraftmeiri með hverju árinu ...

[Heidi Strand, 25.11.2007 kl. 23:23]

Ég hef haldið upp á Åge Alexandersen frá 1972 og Kim Larsen frá 1978. Það hafði verið gaman að fá Åge til Íslands.
http://www.youtube.com/watch?v=kUcg-NjNkKk&feature=related