Próflok

Í dag var prófdagur í MBA náminu.  Við sátum við frá kl. 9 - 12 og tókumst á við ýmis viðfangsefni innan hagfræðinnar, bæði rekstrarhagfræði og þjóðhagfræði.  Flestum þótti prófið frekar snúið, og tíminn naumur.  Það verður fróðlegt að sjá hver útkoman verður.  Um næstu helgi hefjast ný námskeið, sem standa fram í janúar.  Annað er í markaðsfræði, en hitt fjallar um greiningu viðfangsefna og ákvarðanir. 

Það er mikill kraftur í hópi MBA nemenda.  Við héldum smá fund að loknu prófi, þar sem við huguðum að félagslífinu, hagsmunamálum okkar sem nemenda og ýmsu fleiru.  Það verður áhugavert að vinna með þessum hópi næstu tvo veturna, samheldnin og félagsandinn er í góðum gír.

Framundan er að taka að sér verkefni í leiðsögn, verð með sænska matvörukaupmenn í nokkra daga og fer með þá um.  Það verður fróðlegt að spjalla við þá um bransann, og hvernig kaupin gerast á eyrinni austur í Svíaríki.  Það er alltaf áhugaverðar samræður um land og þjóð við ferðamennina, þeir eru áhugasamir um margt, einkum það sem snýr að samanburði í daglega lífinu.  Ekki eru þeir síðir hrifnir af landinu og náttúrunni, og sumir hverjir eru mjög móttækilegir fyrir alls konar fróðleik.  Jarðfræðin skorast oftast hátt, en einnig ýmislegt er varðar landshagi, menningu og sögu. 

Góða helgi kæru lesendur!

Athugasemdir

[Kristinn Óskarsson (IP-tala skráð) 27.10.2007 kl. 13:38]

Sæll félagi Ásgeir

Til hamingju með síðuna þína og ekki síður með að hafa lokið 1/8 úr MBA náminu.  Ég geri ráð fyrir að allir hafi náð, hver svo sem lokaeinkunin verður.  Mun fylgjast með umræðunni á síðunni.

Hittumst á föstudaginn í nýjum viðfangsefnum.

Kristinn Óskarsson

[Birkir Jón Jónsson, 27.10.2007 kl. 15:05]

Já, það er gott að þessum áfanga skuli vera lokið. Nú er bara að fara að undirbúa sig fyrir næstu tvo áfangana, og svo náttúrulega skemmtilegt félagslíf sem mér sýnist vera í burðarliðnum!

 Sjáumst á miðvikudaginn Ásgeir, klukkan 11 að mér skilst.

 Birkir Jón

[Davíð (IP-tala skráð) 27.10.2007 kl. 15:22]

Frábært hjá þér að vera loksins byrjaður að blogga! Góða helgi og til hamingju með þennan áfanga. 

Kveðja,

einn stoltur af pabba sínum.

[Hjalti Þór (IP-tala skráð) 27.10.2007 kl. 15:35]

Sæll vinur! Þvílíkur toppmaður sem þú ert, blogg og læti. Almennilegt!

Bestu kveðjur að norðan.